Birpasa ariketak (Lokomozio-aparatua)

Lokomozio-aparatua lantzen ibili gara azken sarreretan. Hezurrak, giltzadurak eta giharrak aztertu ditugu eta lokomozio-aparatuaren eta nerbio sistemaren arteko erlazioa ikusi dugu.

Landutakoa ulertu duzu? Zalantzarik al duzu? Birpasa moduan, hurrengo orrialdea erabili dezakezu. Bertan hemen landutakoaren inguruko azalpen laburrak eta birpasa ariketak aurkituko dituzu.

Hemen klik egin orrialdera joateko

Gogoratu, zalantzarik izan ezkero iruzkinetan adierazteko aukera duzu.

Nerbio-sistema

Lokomozio-aparatuaren partetzat hartzen ez den arren, nerbio-sistema aparatu honekin oso lotuta dago.
Ikusi dugunez, hezurrek gure gorputzari eusten diete eta giharrek, uzkurduraren bitartez, mugitu egiten dute. Baina zerk eragiten du giharrak uzkurtzea? Ibiltzen gaudenean, zerk egiten du hori egiteko beharrezko giharrak uzkurtzea?

Iturria

Erantzuna nerbio-sistema da. Nerbio sistemaren gunea burmuina da. Bost zentzuetatik jasotzen duen informazioan oinarrituta, burmuinak gorputzeko beste atal guztiei aginduak bidaltzen dizkie.

Nerbio-sistema kaltetuta badago, agindu hauek ez dira giharretara helduko, eta ezin izango gara mugitu. Paraplejia duten pertsonei gertatzen zaiena horixe da: haien hanketako hezurrak eta giharrak osasuntsuak izan arren, haietara burmuinaren aginduak bidaltzeko bidea moztuta dago eta, ondorioz, ezin dituzte mugitu. Tetraplejia duten pertsonen kasuan, bidea burmuinetik hurbilago moztuta dago: ezin dute zamatik beheragoko gorputz atalik mugitu. Irudian ikusten den bezala, bizkarrezurra ere nerbio-sisteman garrantzi handia duen atala da.

Iturria

Hemen nerbio-sistemaren atalak hobeto aztertzeko animazioa aurkituko duzu.

Hemen bizkarrezurrari eta nerbio-sistemari buruzko gauza gehiago ikasiko dituzu animazio entretenigarrien bidez. Ezkerreko aurkibidean, aukeratu "Bizkarrezurra" eta "Mugimenduen koordinazioa eta oreka". Gogoratu amaierako ariketak egitea zure ulermena ebaluatzeko.

Giharrak

Hezurrek gorputzari eusten diote baina, gorputza mugitu ahal izateko, giharrak beharrezkoak dira. Dakizunez, hezurrak zurrunak dira; giharrak, ordea, malguak dira. Gure gorputza mugitzeko, giharrak uzkurtu eta erlaxatu egiten dira.

Egin klik irudian handitzeko eta aztertu giharren izenak (Iturria)

Hemen giharrei buruzko gauza gehiago ikasiko dituzue. Horretarako, ezkerreko aurkibidean "Giharrak" aukeratu.

Amaitzeko, hemen duzue bideo interesgarri bat. (Oharra: bideoa erderaz dago, beraz agertzen diren hitzak ez dira guk ikasitakoen berdin-berdinak izango. Esaterako, gihar ordez "músculo" esaten dutela ikusiko duzu). 

Giltzadurak

Hezurrak ezinbestekoak dira gorputzari eusteko. Bi hezur elkartzen diren puntuan, askotan, gorputza atal horretan tolesteko aukera dago. Puntu hauei giltzadurak edo artikulazioak deritze. Adi hurrengo dokumentuari!

Giltzadurak from MargaGutierrez

Gehiago jakin nahi duzu? Hona hemen animazio interesgarri bat! (Ezkerreko aurkibidean "Artikulazioak" aukeratu) Ez ahaztu amaierako galderak egitea ulertu duzula ziurtatzeko.

Hemen hezurren eta artikulazioen izenak lantzeko jokua aurkituko duzu. Aztertu ondo irudia, bakoitzaren izenak gogoratzeko eta, prest zaudenean, hemen sartu jolasteko. 

Hezurrak

Irakurri hurrengo dokumentua eta egin amaierako ariketak ulertu duzula ziurtatzeko.

Hezurrak from MargaGutierrez

Orain badakigu hezurrei buruzko oinarrizkoa, eta baita hezur garrantzitsuenen izenak ere. Gehiago jakin nahi al duzu? Adi hurrengo animazioari! Amaieran, ulertu duzula ziurtatzeko ariketak aurkituko dituzu.

Birpasa ariketak (Zelula eta ADNa)

Hona hemen bi jarduera orain arte landutakoa ulertu duzuela ziurtatzeko. Gogoratu, akatsak izan ezkero aurreko sarrerak aztertu edota iruzkinetan zure zalantzak idatzi ahal dituzue. Sorte on!

• Zelularen egitura (Atalak identifikatzeko)
• Test